AHADO NA MASA TU AHU
Cip: Posther Sihotang
Jotjot do tumatangis ahu inang
Molo hu ingot ho inang di huta i
Nunga tung leleng
Ahu da namarjalang i
Lasso hea dope mulak tuhuta i
Nanggo surathu sohea hubahen tuho
Laho paboahon da lakkaki dinadao
Sahat tu namarhasohotan ahu
Diparjalangan diluat nadao i
Boru sileban i naso marmargai
Ido nagabe parumaen mi
Nga gabe ahu maranak marboru i
lasso ditanda ho dope pahompu mi
Sai maos do hutahi naeng mulak da inang
Mandulo ho da inongku
Sai songon na adong do
Nasai ambat di rohakki
Laho manungdati langka hi
Ai aha do nuaeng namasa ro tu ahu
Umbahen sobolas ahu mulak tu hutakki
Nunga masihol ahu,nunga malungun ahu
Sai naeng pajumpang tu damang da inang i
